AQSh Kongressi vakillar palatasi spikeri Pol Rayan palata tomonidan Rossiya, Eron va Shimoliy Koreyaga qarshi sanksiyalar bo‘yicha qonun loyihasi qabul qilinishini ma’qulladi va bu davlatlarni “AQSh eng xavfli dushmanlari” deb atadi. Bu haqda “RIA Novosti” xabar bermoqda.
“Milliy xavfsizligimizga Eron, Rossiya va Shimoliy Koreya tomonidan xatarni yetarlicha baholamaslik noto‘g‘ri bo‘lardi. Bu davlatlar AQShning harakatlarini chippakka chiqarish va global barqarorlikni buzishga anchadan beri urinib kelmoqda. Kongressning vazifasi ularni mas’uliyatga chaqirishdan iborat. Qonun loyihasi tarixdagi eng keng ko‘lamli sanksiyalar paketlaridan biri hisoblanadi. U amerikaliklar xavfsizlikda bo‘lishi uchun eng xavfli dushmanlarimizning tanobini tortadi”, — dedi Pol Rayan.
Vakillar palatasi qabul qilgan Eron, Rossiya va Shimoliy Koreyaga qarshi sanksiyalarni yanada kuchaytirish to‘g‘risidagi qonun loyihasini Senat ko‘rib chiqishi lozim.
Izoh (0)