Швейцария полицияси мамлакат шимолида аррадан фойдаланиб 5 кишига ҳужум қилишда гумон қилинган шахсни қўлга олди. Бу ҳақда TJournal хабар бермоқда.
Гумонланувчи ҳужум рўй берганидан бир кун ўтиб ҳодиса жойи — Шаффхаузен шаҳридан 60 километр узоқликдаги Тальвиль шаҳрида ушланди. У 51 ёшли Швейцария фуқароси Франц Врузис бўлиб чиқди. Врузис охирги бир неча ҳафта ўрмонда яшагани ва полициядан ҳам шу ерда яширинган бўлиши мумкинлиги билдирилмоқда.
24 июль куни арра билан қуролланган эркак CSS Assurance компаниясининг Шаффхаузен шаҳридаги филиали биносида одамларга ташланди, сўнг машинасида яширинди. Бунинг оқибатида яраланган 5 кишидан икки нафари жиддий жароҳат олди.
Полиция ҳодиса теракт бўлиши мумкинлиги ҳақидаги овозаларни рад этди ва Врузис компания мижози бўлиши мумкинлигини тахмин қилди.
Изоҳ (0)