Dubay kasalxonasining urologiya bo‘limi boshlig‘i doktor Fariborg Bageriy juda katta buyrakni olib tashlash operatsiyasida ishtirok etgach, Ginness rekordi haqidagi sertifikatga ega bo‘ldi, deb yozadi UAE Inside.
2016-yil 11-oktabr kuni doktor Bageriy rahbarlik qilgan besh soatlik operatsiya chog‘ida shifokorlar buyraklarning polikistoz kasalligiga chalingan erkakning ikkita buyragini olib tashlagan edi. Doktor Bageriy ta’kidlashicha, buyrakning og‘irligi 4,25 kg deya qayd etilgan bo‘lsa-da, shifokorlar bemorning tanasidan taxminan 13 kg to‘qimani chiqarib olgan.
Doktor Bageriy aytishicha, buyrakni qutqarib qolish iloji bo‘lmagan. Bemorga ikki yil avval dializ qilishni boshlashgan, o‘shandayoq organlar butunlay yaroqsiz bo‘lgan. Bemor yaqin kelajakda buyraklar transplantatsiyasini rejalashtirmoqda.
Izoh (0)