Misr sudi 2015-yili o‘ldirilgan mamlakat bosh prokurori Hisham Barakatning o‘limiga aloqador deb topilgan 28 kishini o‘lim jazosiga hukm qildi. Bu haqda “Gazeta.ru” xabar bermoqda.
Sud ushbu qarorni Misr oliy muftiysi ma’qullaganidan so‘ng qabul qilgan. Qayd etishlaricha, o‘lim jazosi bo‘yicha qaror chiqarishdan avval Misr sudlarining muftiyga murojaat qilishi rasmiy bir holatdir.
Ish bo‘yicha javobgar 67 kishidan 15 nafari hali ozodlikda, qolganlari esa turli muddatga ozodlikdan mahrum etilgan. Ayblanuvchilar sud hukmi ustidan shikoyat qilishi mumkin.
Misrning sobiq bosh prokurori Hisham Barakat bo‘lgan avtomobil 2015-yil 29-iyunida Qohirada portlatib yuborilgan edi.
Izoh (0)