Avstraliyadagi Adelaida hayvonot bog‘i veterinarlari dunyodagi eng keksa urg‘ochi begemotni zaharlab o‘ldirdi. Syuzi laqabli begemot 49 yil umr ko‘rdi, deyiladi muassasa saytida.
Jonivorni zahar orqali o‘ldirish haqidagi qarorni mahalliy veterinar Devid Maklelland qabul qildi, chunki begemot keksalik bilan bog‘liq bir qator kasalliklardan azob chekardi. So‘nggi haftada uning salomatligi yomonlashdi, mutaxassislar endi jonivorning sog‘lig‘ini zarur darajada tutib tura olmasligini tan oldi.
Maklelland ta’kidlashicha, Syuzi begemotlarning o‘rtacha umr uzoqligining yuqori chegarasidan o‘tgan. U Avstraliyaning Taronga hayvonot bog‘ida 1967-yilda tug‘ilgan, Adelaidaga jonivorni 1975-yilda keltirishgan.
Syuziga dunyodagi eng keksa urg‘ochi begemot “maqomi” shu yilning 10-iyulida Maniladagi hayvonot bog‘ida 65 yoshida vafot etgan Berta laqabli begemotdan o‘tgan. Uning o‘limiga bir yo‘la bir nechta ichki organlarning ishlamay qolgani sabab bo‘lgan.
Izoh (0)