Ruminiyaning Beile-Tushnad shahrida chiqish qilgan Vengriya bosh vaziri Viktor Orban musulmon dunyosidan Yevropaga millionlab muhojirlarni olib kelib, ularni Yevroittifoq mamlakatlari bo‘ylab taqsimlashga doir “Soros rejasi mavjud”ligi haqida gapirdi.
“Agar Yevropa Ittifoqi yana suverenitetga ega bo‘la olsa va har bir a’zo mamlakat o‘z chegaralarini o‘zi himoya qilish imkoniga ega bo‘lsa, biz bu jarayonga qarshilik ko‘rsatishimiz mumkin”, — deya Orbanning so‘zlaridan iqtibos keltirmoqda “Kommersant”.
“Shundagina biz migratsiya jarayonini to‘xtatib, noqonuniy ravishda kirib kelganlarning barini haydab solishga muvaffaq bo‘lamiz. Balki kim uchundir bu juda qahrlidek eshitilar, biroq, menimcha, muammoni boshqa yo‘l bilan hal qilib bo‘lmaydi”, — deya qayd etdi Vengriya bosh vaziri.
2016-yili Viktor Orban mamlakat konstitutsiyasiga milliy migratsiya qonunchiligini yanada qat’iylashtiruvchi o‘zgartishlarni kiritishga va’da bergan edi.
Izoh (0)