Filippin parlamenti mamlakat janubidagi harbiy holat 31-dekabrga qadar uzaytirilishini ma’qulladi. Bu haqda “Kommersant” xabar bermoqda.
Parlament palatalarining 22-iyul kuni bo‘lib o‘tgan qo‘shma majlisida deputatlarning 261 nafari harbiy holatning uzaytirilishin ma’qulladi, 18 nafari bunga qarshi chiqdi.
2017-yilning may oyida Filippin janubidagi Mindanao orolida hukumat kuchlari va diniy aqidaparastlar o‘rtasida to‘qnashuvlar boshlangan edi.
O‘sha vaqtda Moskvada bo‘lgan Filippin prezidenti Rodrigo Duterte Rossiyaga tashrifini to‘xtatib, shoshilinch yurtiga qaytishga majbur bo‘lgan edi.
“Kommersant”ning qayd etishicha, Duterte hali Moskvadalik chog‘idayoq Filippin janubida harbiy holat tartibini joriy etish haqida ko‘rsatma bergan edi.
Izoh (0)