BMT bosh kotibi Antoniu Guterrish KXDR tomonidan 4-iyul, seshanba kuni “Xvanson-14” ballistik raketasi uchirilishini qoraladi va mamlakat rahbariyatidan fitna qo‘zg‘atuvchi harakatlarni to‘xtatishni talab qildi. Bu haqda “TASS” xabar bermoqda.
“Bosh kotib KXDR tomonidan qit’alararo ekanligi taxmin qilinayotgan ballistik raketa uchirilishini keskin qoralaydi. Bu harakat Xavfsizlik kengashi rezolyutsiyalarining yana bir namoyishkorona buzilishi hisoblanadi va vaziyatga xavfli tus beradi. KXDR bunday fitna qo‘zg‘ovchi harakatlarni to‘xtatishi va o‘zning xalqaro majburiyatlariga to‘liq rioya etishi lozim”, — deyiladi bayonotda.
Eslatib o‘tamiz, Janubiy Koreya prezidenti Mun Chje In BMT Xavfsizlik kengashini Shimoliy Koreya sinovlari munosabati bilan shoshilinch choralar ko‘rishga chaqirdi.
Izoh (0)