Suriya qurolli muxolifati, xususan, “shimoliy” hamda “janubiy” frontlarning vakillari Ostonadagi muzokaralarning ikkinchi kunida ishtirok etmoqda. Bu haqda Qozog‘iston Tashqi ishlar vazirligining matbuot xizmati rahbari Anvar Jaynakov ma’lum qildi, deb xabar berdi “TASS”.
Jaynakovning so‘zlariga ko‘ra, muxolifat yalpi majlisda ishtirok etadi. “Yalpi majlisda muzokaralar jarayonidagi barcha ishtirokchilar qatnashishi kutilmoqda”, — deydi diplomat.
Jaynakov yalpi majlis mahalliy vaqt bilan soat 16:00 da bo‘lishini qo‘shimcha qildi.
Muzokaralar boshlandi, ayni vaqtda ikki tomonlama, xususan, Rossiya va Turkiya vakillari o‘rtasida muzokaralar bo‘lib o‘tmoqda. Ularning asosiy mavzusi — bu Suriyadagi deeskalatsiya zonalarining chegarasini aniqlash, — dedi Jaynakov.
Yalpi majlis yakunida ishtirokchilar deeskalatsiya zonalarini belgilash va ular ustidan nazorat qilish bo‘yicha hujjatni qabul qilishlari kerak.
Izoh (0)