Дунёнинг кўплаб компанияларига ҳужум қилган товламачи-вирус Ҳиндистондаги Жаваҳарлаъл Неру номли йирик контейнер портининг юк терминали ишдан чиқди. Бу ҳақда «ТАСС» хабар бермоқда.
Петя номи билан танилган вирус 28 июнь, чоршанбага ўтар кечаси портнинг 3 контейнер терминалларидан бири— Gateway Terminals India’га хуруж қилди.
The Times of India нашрига кўра, юк оқимини компьютер бошқариш тизими ишдан чиққан. Терминал раҳбарияти ишни қўлда амалга оширишни ташкил этишга уринмоқда, бу эса юкларни қайта ишлаш тезлигига таъсир қилмоқда.
Ҳозирда ҳужум асоратларини минималлаштиришга ҳаракат қилинмоқда. Жумладан, юкларни жойлаштириш учун қўшимча жойлар ажратилди.
Маълумот учун, Жаваҳарлаъл Неру дунёнинг 30 та йирик контейнер портларидан бири саналади ва Ҳиндистон контейнер экспорт-импорт юкларининг ярмидан ортиғини қайта ишлайди.
Изоҳ (0)