Oliy Majlis Senati raisi Sodiq Safoyev Xalqaro press-klubning navbatdagi sessiyasi doirasida jurnalistlarning davlat rahbarining qo‘shni mamlakatlarga rejalashtirilayotgan safarlari haqidagi savollariga javob berdi, deb yozadi “Nuz.uz”.
Safoyev ta’kidlashicha, bugungi kunda barcha qo‘shni mamlakatlar bilan qizg‘in muloqot olib bormoqda, yangi aloqalar amalga oshirilishi rejalashtirilmoqda. Prezident Shavkat Mirziyoyev Qozog‘iston va Turkmanistonga bir nechta davlat tashriflarini amalga oshirdi. Qirg‘iziston va Tojikistonga kelsak, eng oliy darajadagi muzokaralar rejalashtirilmoqda. Ammo senator aniq muddatlarni e’lon qilishga hali tayyor emasligini, chunki ular diplomatik kanallar orqali muvofiqlashtirilishini aytdi.
Shu bilan birga Safoyev qo‘shimcha qilishicha, ushbu mamlakatlar yetakchilari bilan aloqalar xalqaro sammitlar, shu jumladan, Ostonadagi ShHT sammiti va “Bir makon — bir yo‘l” forumi doirasida muvaffaqiyatli ravishda amalga oshirilmoqda.
“Bundan tashqari, qo‘shni mamlakatlar haqida gapirayotganda yana bir davlatni — Afg‘onistonni unutish kerak emas. Biz uchun — bu mintaqaning bir qismi bo‘lgan qo‘shni mamlakat hisoblanadi, va Shavkat Mirziyoyev Afg‘oniston bilan munosabatga alohida e’tibor qaratadi”, — dedi Safoyev. U yaqinda Prezidentning Afg‘oniston bo‘yicha maxsus vakili tayinlanganini eslatib, yana muayyan qadamlar, shu jumladan, oliy darajadagi uchrashuv rejalashtirilayotganini ta’kidladi.
Izoh (0)