Олий Мажлис Сенати раиси Содиқ Сафоев Халқаро пресс-клубнинг навбатдаги сессияси доирасида журналистларнинг давлат раҳбарининг қўшни мамлакатларга режалаштирилаётган сафарлари ҳақидаги саволларига жавоб берди, деб ёзади «Nuz.uz».
Сафоев таъкидлашича, бугунги кунда барча қўшни мамлакатлар билан қизғин мулоқот олиб бормоқда, янги алоқалар амалга оширилиши режалаштирилмоқда. Президент Шавкат Мирзиёев Қозоғистон ва Туркманистонга бир нечта давлат ташрифларини амалга оширди. Қирғизистон ва Тожикистонга келсак, энг олий даражадаги музокаралар режалаштирилмоқда. Аммо сенатор аниқ муддатларни эълон қилишга ҳали тайёр эмаслигини, чунки улар дипломатик каналлар орқали мувофиқлаштирилишини айтди.
Шу билан бирга Сафоев қўшимча қилишича, ушбу мамлакатлар етакчилари билан алоқалар халқаро саммитлар, шу жумладан, Остонадаги ШҲТ саммити ва «Бир макон — бир йўл» форуми доирасида муваффақиятли равишда амалга оширилмоқда.
«Бундан ташқари, қўшни мамлакатлар ҳақида гапираётганда яна бир давлатни — Афғонистонни унутиш керак эмас. Биз учун — бу минтақанинг бир қисми бўлган қўшни мамлакат ҳисобланади, ва Шавкат Мирзиёев Афғонистон билан муносабатга алоҳида эътибор қаратади», — деди Сафоев. У яқинда Президентнинг Афғонистон бўйича махсус вакили тайинланганини эслатиб, яна муайян қадамлар, шу жумладан, олий даражадаги учрашув режалаштирилаётганини таъкидлади.
Изоҳ (0)