Har yili Qozog‘istonning Ostona shahrida o‘tkazilib, 60 mamlakatdan 600 dan ziyod delegatlarni to‘playdigan xalqaro bahs-munozara maydoni — Yevrosiyo Media Forumi bo‘lib o‘tadi.
Forum rasmiy saytida yozilishicha, Yevrosiyo Media Forumi hozirgi kunning eng dolzarb mavzulari bo‘yicha dunyo mediamaydonining eng ahamiyatli ishtirokchilari, fikrlar yetakchilari va turli sohalarning tan olingan professionallari ishtirokidagi ochiq muloqotdir.
Bu yil 22—24-iyun kunlari o‘tkaziladigan ushbu forumda O‘zbekistondan to‘rtta internet-nashr xodimlari, shu jumladan, “Daryo” vakili ham qatnashadi.
Forum o‘z faoliyatini 2002-yilda boshlab, o‘shandan buyon siyosiy, iqtisodiy va ijtimoiy masalalarning keng doirasiga o‘z ta’sirini o‘tkaza oladigan, dunyo ko‘lamidagi hodisa sifatida o‘zini ko‘rsatdi, deyiladi rasmiy saytda.
Forum ta’sis etilgan vaqtdan buyon uning g‘oyaviy ilhomchisi va tashkiliy qo‘mita raisi sifatida siyosat fanlari doktori Darig‘a Nazarboyeva faoliyat yuritib kelmoqda.
Izoh (0)