AQSh rahbarligidagi xalqaro koalitsiya Amerika harbiy samolyoti Raqqadan g‘arbda Suriya qiruvchisini urib tushirganini tasdiqladi, deb yozadi “Gazeta.ru” AQSh markaziy qo‘mondonligiga tayanib.
ABC News telekanali o‘z Twitter’ida AQSh markaziy qo‘mondonligining hodisa bo‘yicha bayonotini e’lon qildi.
Unda aytilishicha, Suriya armiyasining Su-22 qiruvchisi “koalitsiyaning yerda jang qilayotgan sheriklarini himoya qilish maqsadida” urib tushirilgan.
“Yerda jang qilayotgan sheriklar” deganda Raqqadan g‘arbdagi Tabkax shahri yonida terrorchilar bilan jang qilgan “Suriya demokratik kuchlari” askarlari ko‘zda tutilgan.
Koalitsiya ma’lumotlariga ko‘ra, mahalliy vaqt bilan 18:43 (Toshkent vaqti bilan 20:43)da Suriya samolyoti Suriya muxolifati askarlari ustiga bombalar tashlashni boshlagan, natijada esa AQSh sheriklarining xavfsizligini ta’minlash doirasida Amerikaning F/A-18E Super Hornet samolyoti tomonidan urib tushirilgan.
Izoh (0)