NASA olimlari Aqua Satellite sun’iy yo‘ldoshi tomonidan Moderate Resolution Imaging Spectroradiometer spektografi yordamida tushirilgan yangi kosmik suratlarni yubordi, unda Qora dengiz suvlarining rangi o‘zgargani qayd etilgan. Bu haqda Daily Mail xabar bermoqda.
Suratlarda odatda to‘q ko‘k rangda bo‘ladigan suv orasida moviy qismlar ustunlik qilayotganini ko‘rish mumkin, deyiladi xabarda.
Olimlar ta’kidlashicha, dunyodagi eng to‘q rangli dengiz bo‘lgan Qora dengiz o‘z rangini o‘zgartirgan. Ba’zi joylarda to‘q ko‘k rang o‘rniga, mutaxassislar moviy rangni ko‘rdi — bunday och rangli dog‘lar eng quyuq tarzda Ruminiya, Bolgariya va Ukraina qirg‘oqlarida uchraydi.
Olimlar fikriga ko‘ra, bu Qora dengizga fitoplankton — bir hujayrali kokkolitoforid plankton suvo‘tlarini olib kelgan kuchli dengiz oqimi bilan bog‘liq. Aynan shu mikroorganizmlar suv rangining o‘zgarishiga sababchi bo‘lgan.
Izoh (0)