AQSh prezidenti Donald Tramp ma’muriyati Barak Obamaning Kuba bilan munosabatlarni yo‘lga qo‘yish haqidagi qarorini bekor qilgunga qadar Gavana bilan diplomatik aloqalarni butunlay uzish imkoniyatini ko‘rib chiqqan. Bu haqda “TASS” xabar bermoqda.
The Hill nashriga ko‘ra, o‘tgan oyda Oq uy qoshidagi Milliy xavfsizlik kengashi Gavanaga inson huquqlariga rioya etilishi bo‘yicha “uzil-kesil ultimatum” e’lon qilish imkoniyatini ko‘rib chiqqan.
Kuba buni rad etgan taqdirda, Vashington diplomatik aloqalarni uzish, Gavanadagi elchixonasini yopish va har qanday ikki tomonlama muzokaralarni to‘xtatish kabi choralarni ko‘rgan bo‘lardi. AQSh ma’muriyati, shuningdek, savdo va turizm sohalaridagi cheklovlarni tiklash, orolni terrorizm homiylari bo‘lgan davlatlar ro‘yxatiga qaytarishni mo‘ljallagan.
Gazetaning bildirishicha, AQSh huquq-tartibot idoralari xodimlari bunday o‘zgarishlarga qarshi chiqdi. Ular bunday keskin choralar kubaliklarning keng ko‘lamdagi migratsiyasiga olib keladi, deb hisobladi.
Izoh (0)