AQSh prezidenti Donald Tramp Florida shtatining Mayami shahridagi chiqishi davomida Gavanadan sanksiyalar olinishi shartlarini ma’lum qildi. Bu haqda “TASS” xabar bermoqda.
“Barcha siyosiy mahbuslar ozod qilinishi, yig‘ilishlar va fikr bildirish erkinligi hurmat qilinishi, siyosiy partiyalar oshkora faoliyat yuritishi, shuningdek, xalqaro kuzatuv ostida erkin saylovlar o‘tkazilishi lozim. Shunday bo‘lmas ekan, Kuba tuzumidan cheklovlar olib tashlanmaydi”, — dedi Tramp.
Eslatib o‘tamiz, oldinroq Donald Tramp Obama ma’muriyatining Vashington va Gavana o‘rtasidagi munosabatlarni yo‘lga qo‘yish bo‘yicha kelishuvini bekor qilishini bildirgandi.
Izoh (0)