АҚШ президенти Дональд Трамп маъмурияти Барак Обаманинг Куба билан муносабатларни йўлга қўйиш ҳақидаги қарорини бекор қилгунга қадар Гавана билан дипломатик алоқаларни бутунлай узиш имкониятини кўриб чиққан. Бу ҳақда «ТАСС» хабар бермоқда.
The Hill нашрига кўра, ўтган ойда Оқ уй қошидаги Миллий хавфсизлик кенгаши Гаванага инсон ҳуқуқларига риоя этилиши бўйича «узил-кесил ультиматум» эълон қилиш имкониятини кўриб чиққан.
Куба буни рад этган тақдирда, Вашингтон дипломатик алоқаларни узиш, Гаванадаги элчихонасини ёпиш ва ҳар қандай икки томонлама музокараларни тўхтатиш каби чораларни кўрган бўларди. АҚШ маъмурияти, шунингдек, савдо ва туризм соҳаларидаги чекловларни тиклаш, оролни терроризм ҳомийлари бўлган давлатлар рўйхатига қайтаришни мўлжаллаган.
Газетанинг билдиришича, АҚШ ҳуқуқ-тартибот идоралари ходимлари бундай ўзгаришларга қарши чиқди. Улар бундай кескин чоралар кубаликларнинг кенг кўламдаги миграциясига олиб келади, деб ҳисоблади.
Изоҳ (0)