Rossiya prezidenti Vladimir Putin uni Uchinchi Reyx rahbari Adolf Gitlerga qiyoslagan AQSh prezidentligiga sobiq nomzod Hillari Klintonning gaplarini izohlar ekan, Rossiya ham amerikalik siyosatchilarning faoliyati yuzasidan turli o‘xshatishlarni aytishi mumkinligini, biroq Moskva keskin fikrlarni bildirishdan tiyilishga harakat qilayotganini ta’kidladi, deb yozadi “RIA Novosti”.
“Bunda biz uchun hech qanday yangi narsa yo‘q. Biz u bilan shaxsan tanishmiz. U g‘ayratli ayol. Biz ham turli qiyoslashlarni aytishimiz mumkin edi, biroq siyosiy madaniyat yuzasidan keskin fikr bildirishlardan tiyilyapmiz”, — dedi Putin rejissor Oliver Stounga bergan intervyusida.
2014-yil martida CNN telekanali Klinton Qrim mavzusida gapira turib, Putin va Gitlerni solishtirganini ma’lum qilgan edi. Uning ta’kidlashicha, Putinning ruslarni himoya qilish zarurati haqidagi gaplari Sharqiy Yevropada yashayotgan nemislarni himoya qilishi kerakligini aytgan Gitlerning xatti-harakatlarini eslatgan.
Izoh (0)