IShID safiga qo‘shilgan Tojikiston IIV maxsus bo‘linmasi sobiq qo‘mondoni, polkovnik Gulmurod Halimovning o‘g‘liga nisbatan ochilgan jinoiy ish materiallari sudga yuborildi. Bu haqda “Interfaks” xabar bermoqda.
18 yoshli Behruz Halimovga Tojikiston Jinoiy kodeksining ikki moddasi — “Jinoyatga tayyorgarlik va jinoyatga qasd” hamda “Yollanish” moddalari bo‘yicha ayblov e’lon qilindi.
Tergov manbalariga ko‘ra, Behruz ijtimoiy tarmoqlarda otasining tanishlari bilan bog‘langan va ular yordamida Iroq yoki Suriyaga jo‘nab ketishni rejalashtirgan. Biroq Tojikiston huquq-tartibot idoralari xodimlari uni Dushanbe—Moskva reysidan olib qoldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)