Birlashgan Arab Amirliklarining Al-Ayn shahrida joylashgan cherkov 9-iyun kuni ro‘zador musulmon ishchilarga namoz o‘qishi va iftorlik qilishi uchun o‘z eshiklarini ochdi, deb yozadi UAE Inside.
Cherkov vakillari aniqlik kiritishicha, ular BAA hukmdorlari g‘oyalaridan ilhomlanib, ehtiyojmandlarga yordam berishga qaror qilgan. Jami 250 nafar ishchi taklif qilindi va 500 porsiya taom tayyorlandi.
“Bizning cherkovimiz atrofida ishchilar yotoqxonalari joylashgan. Biz ularning ba’zilarida yashaydigan ishchilarni taklif qildik, ular mamnuniyat bilan taklifimizni qabul qildi”, — dedi cherkov vakili. U, shuningdek, bu BAAda cherkovda musulmonlar namoz o‘qishi bilan bog‘liq ilk holat ekanligini taxmin qildi.
Izoh (0)