Birlashgan Arab Amirliklari rasmiylari uchinchi davlat aviakompaniyalariga Qatarga reyslarni bajarish chog‘ida mamlakat havo hududi va aeroportlaridan foydalanishga ruxsat berdi. Bu haqda BAA fuqarolik aviatsiyasi boshqarmasi bayonotiga tayanib, WAM agentligi ma’lum qildi.
Shuningdek, xususiy va charter reyslari ham (Qatar aviatsiyasi bajaradiganlaridan tashqari) Dohaga yo‘l olayotganida va qaytayotganida BAA havo hududiga kirishi mumkin. Biroq buning uchun kamida bir sutka avval ruxsat olinishi kerak.
Oldinroq Saudiya Arabistoni fuqarolik aviatsiyasi boshqarmasi ham shunday qaror qabul qilgandi.
Qatarda qayd etilgan barcha aviakompaniyalar va samolyotlarga BAA aeroportlariga qo‘nish va havo hududidan o‘tishga qo‘yilgan taqiq o‘z kuchida qoldi.
Izoh (0)