Rossiyaning Irkutsk — Chita trassasida ibodatdan qaytayotgan ziyoratchilar tushgan avtobus halokati qurbonlari soni 14 kishiga yetdi. Bu haqda “TASS” xabar bermoqda.
Oldinroq avariya oqibatida 12 kishi o‘lgani ma’lum qilingandi.
Baykalorti o‘lkasi sog‘liqni saqlash vazirligi matbuot xizmatiga ko‘ra, avtobus haydovchisi hayotdan ko‘z yumgan. Ayni paytda Buryatiya va o‘lka kasalxonalarida 34 kishi qolmoqda. Ulardan 18 nafari jonlantirish bo‘limida bo‘lib, jumladan, bir qizaloq koma holatida.
KIA avtobusi 11-iyun, yakshanbaga o‘tar kechasi ag‘darilib ketdi. Dastlabki ma’lumotlarga ko‘ra, haydovchi boshqaruvni uddalay olmagan.
Izoh (0)