Бирлашган Араб Амирликларининг Ал-Айн шаҳрида жойлашган черков 9 июнь куни рўзадор мусулмон ишчиларга намоз ўқиши ва ифторлик қилиши учун ўз эшикларини очди, деб ёзади UAE Inside.
Черков вакиллари аниқлик киритишича, улар БАА ҳукмдорлари ғояларидан илҳомланиб, эҳтиёжмандларга ёрдам беришга қарор қилган. Жами 250 нафар ишчи таклиф қилинди ва 500 порция таом тайёрланди.
«Бизнинг черковимиз атрофида ишчилар ётоқхоналари жойлашган. Биз уларнинг баъзиларида яшайдиган ишчиларни таклиф қилдик, улар мамнуният билан таклифимизни қабул қилди», — деди черков вакили. У, шунингдек, бу БААда черковда мусулмонлар намоз ўқиши билан боғлиқ илк ҳолат эканлигини тахмин қилди.
Изоҳ (0)