KXDR rasmiylari 2016-yili 15 yillik qamoq jazosiga hukm qilingan amerikalik talaba Otto Uormbirni ozod qildi. Uning ozod etilganini AQSh davlat kotibi Reks Tillerson ma’lum qildi, deb xabar beradi Meduza.
Talabaning ota-onasi The Washington Post nashriga bergan izohda ularning farzandi koma holatida ekanligini bildirdi. KXDR vakillari Uormbir oilasiga suddan so‘ng talaba botulizmga chalinganini xabar qildi. Shimoliy Koreya tomonining uqtirishicha, Uormbir uyqu dori qabul qilganidan so‘ng koma holatiga tushib qolgan.
The Washington Post ma’lumotlariga qaraganda, Uormbir AQShga yo‘llangan. U AQShga samolyotja 13-iyun kuni yetib kelishi kutilmoqda.
AQSh va Shimoliy Koreya asirlikda tutib turilgan yana uch nafar amerikalikning taqdiri bo‘yicha muzokaralar o‘tkazmoqda.
Izoh (0)