КХДР расмийлари 2016 йили 15 йиллик қамоқ жазосига ҳукм қилинган америкалик талаба Отто Уормбирни озод қилди. Унинг озод этилганини АҚШ давлат котиби Рекс Тиллерсон маълум қилди, деб хабар беради Meduza.
Талабанинг ота-онаси The Washington Post нашрига берган изоҳда уларнинг фарзанди кома ҳолатида эканлигини билдирди. КХДР вакиллари Уормбир оиласига суддан сўнг талаба ботулизмга чалинганини хабар қилди. Шимолий Корея томонининг уқтиришича, Уормбир уйқу дори қабул қилганидан сўнг кома ҳолатига тушиб қолган.
The Washington Post маълумотларига қараганда, Уормбир АҚШга йўлланган. У АҚШга самолётжа 13 июнь куни етиб келиши кутилмоқда.
АҚШ ва Шимолий Корея асирликда тутиб турилган яна уч нафар америкаликнинг тақдири бўйича музокаралар ўтказмоқда.
Изоҳ (0)