60 yildan ortiqroq vaqt davomida alpinistlar — ham professionallar, ham havaskorlar — Yerdagi eng baland cho‘qqi — Everestga chiqib kelmoqda, deb yozadi “Mk.ru”.
Bu davr mobaynida 280 dan ziyod odam osmono‘par qiyaliklarda halok bo‘ldi. Ularning barchasi hamon o‘sha yerda, tepada dafn etilmagan holda qolmoqda. Ammo bu qayg‘uli an’anaga nuqta qo‘yishga qaror qilishdi. Yaqindagina Rossiyaning Everestga tarixdagi birinchi gumanitar ekspeditsiyasi yakunlandi. Uning ishtirokchilari o‘z oldiga Everestga ko‘tarilib, u yerda — “o‘lim zonasi”da marhumlarning jasadlarini germetizatsiyalash vazifasini qo‘ydi. Alpinistlar 8300 metrdan ortiq balandlikni aynan shunday deb ataydi.
“U yerda odam organizmi har soniyada o‘lib boradi. Miya atrofdagi muhit sharoitlarini qabul qilishdan shunchaki bosh tortadi va to‘g‘ri o‘zining o‘limiga olib boruvchi buyruqlarni beradi, — deya aniqlik kiritdi alpinistlardan biri. — O‘zini yengib chiqa bilish kerak, o‘z ‘ichki ovozi’ buyruqlariga qaramasdan harakat qilish kerak. Aks holda o‘lim yuz beradi”.
Gumanist alpinistlar murdalarni maxsus pishiq matoga o‘rab, iplar bilan qattiq qilib mustahkamladi. Tayanch lageriga kelgach, videorolik kadrlarini tahlil qilib, ularning shaxslarini aniqladi.
Alpinistlar aytishicha, joriy Everestning “axloqiy” muammosi shundaki, ushbu cho‘qqiga ko‘tarilish juda daromadli tijorat loyihasiga aylanib qolgan. Katta pul to‘lagan odamlar esa o‘zlarini maqsadga muvofiq tarzda tutadi. Ular qachonlardir o‘lib ketgan odamlarning qiyalikda yotgan jasadlari bilan ishi yo‘q: asosiysi o‘zi tezroq 8848 metrlik nuqtaga chiqib olib, u yerdan tezroq hayot uchun qulay sharoit bor joyga tushish. Shuning uchun Everest qurbonlarining jasadlaridan ko‘pincha cho‘qqiga ko‘tarilishda mo‘ljal sifatida foydalanilishi, so‘qmoq bo‘ylab harakatlanisga xalal berganlarini esa pastga — jarlikka qulatib yuborishlaridan hayratga tushmasa ham bo‘ladi, deydi aksiyada qatnashgan alpinistlardan biri.
Izoh (0)