Ҳиндистоннинг Мумбай шаҳрида яшовчи 19 ёшли қиз телефонда гаплашаётиб, поезд тагида қолиб кетди, деб ёзади «Вести.ru». Бепарво ҳолда кетаётган қиз платформага чиқиб олишга улгурмади ва поезд тагида қолиб кетди. Хайрият, у омон қолди. Пратикша Натекарнинг чап кўзи ости тирналди холос.
Интернетга жойланган видеода телефон орқали суҳбатга берилиб кетган қиз платформага қараб югургани, аммо унга чиқиб олишга улгурмаганини кўриш мумкин. Умидсизликка тушгач, талаба қиз юзини қўллари билан ёпиб, яқинлашиб келаётган поезднинг тўғрисида тураверди. Лаҳзалардан сўнг қиз поезд ғилдираклари остида кўринмай кетди.
Платформада тўпланган йўловчилар қизни ўлди деб ўйлади. Аммо жабрланувчи тезкорлик билан вагон тагидан чиқа олди. Уни касалхонага етказишди, шифокорлар қизга енгил жароҳатлар етганини аниқлади, холос.
Изоҳ (0)