Qatar hukumati mamlakatga oziq-ovqat mahsulotlari va suv yetkazib berish borasida Eron va Turkiya bilan muzokaralar olib bormoqda. Qo‘shni arab davlatlari Qatarga qarshi sanksiyalar joriy eta boshlaganidan so‘ng mamlakatda oziq-ovqat va suv muammosi o‘tkirlashishi mumkinligi bois bunday qadamlar amalga oshirilmoqda, deb xabar beradi “RIA Novosti”.
Ilgariroq Eron agromahsulot importi uyushmasi rahbari Rizo Nuroniy mamlakat Qatarga barcha turdagi mahsulotlarni eksport qilishga tayyorligini bildirgan edi.
Aytilishicha, mahsulotlar Qatar Airways’ning yuk reyslarida tashiladi.
Bundan tashqari, Eron Qatarga o‘z havo hududida parvozlar amalga oshirishga ruxsat berdi.
Muqaddam qator arab davlatlari Qatar bilan diplomatik aloqalarni uzdi. Ular qatoriga boshqa davlatlar qo‘shilib bormoqda. Jumladan, Muqaddam Saudiya Arabistoni, Bahrayn, Misr, BAA, Yaman, Liviya va Maldiv orollari, Mavrikiy va Komor orollari Qatar bilan diplomatik aloqalarini uzgan edi. O‘z navbatida, Qatar arab davlatlarining diplomatik aloqalarni uzish haqidagi qarorini noo‘rin deb baholadi. Qatarga qarshi sanksiyalar joriy etilish ehtimoli mamlakat aholisini oziq-ovqat zaxiralarini to‘ldirishga majbur qilmoqda.
Izoh (0)