Komor orollari Qatar bilan diplomatik aloqalarni uzdi. “RBK” xabariga ko‘ra, bu haqda Komor orollari ittifoqi Tashqi ishlar vazirligi ma’lum qilgan.
Ittifoq TIV bayonotida ta’kidlanishicha, Qatar elchisi Komor orollarini tark etishi lozim.
Komor orollari ittifoqi Afrikaning sharqiy qismida, Hind okeanidagi Mozambik bo‘g‘ozining shimolida joylashgan. U federativ prezidentlik respublikasi hisoblanadi.
Komor orollari Qatar bilan diplomatik aloqalarni uzgan o‘ninchi mamlakat bo‘ldi. Bungacha Mavritaniya, Yaman, Liviyaya, Bahrayn, Misr, BAA, Saudiya Arabistoni, Mavrikiy va Maldiv respublikasi ham Qatar bilan diplomatik munosabatlarni to‘xtatishga qaror qilgan edi.
Mazkur mamlakatlar Qatarni terrorchilarni, xususan, IShIDni qo‘llab-quvvatlashda ayblab chiqdi. Bundan tashqari, ularning fikricha, rasmiy Doha boshqa mamlakatlarning ichki ishlariga aralashishga urinmoqda.
O‘z navbatida, Iordaniya Qatardagi diplomatik vakolatxonasi darajasini pasaytirish haqida qaror qabul qilgan.
Izoh (0)