Buyuk Britaniya politsiyasi London terakti sakkizinchi qurbonining jasadini Temza daryosidan topdi. U Fransiya fuqarosi Ksavye Tomas bo‘lib chiqdi. Bu haqda Associated Press’ ga tayanib, “Gazeta.ru” xabar berdi.
Fransiya fuqarosi London ko‘prigidagi hujumdan keyin bedarak yo‘qolgandi. Politsiya jasad 6-iyun kuni ko‘prikdan oqim bo‘ylab pastda topilganini ma’lum qildi. Tomasning qarindoshlariga uning tanasi topilganini yetkazishdi.
Avtomobil piyodalar yo‘liga chiqib ketganida 45 yoshli fransuz o‘z dugonasi bilan ko‘prik bo‘ylab ketayotgandi. Qiz og‘ir jarohatlar olgan.
4-iyunga o‘tar kechasi avtofurgondagi noma’lum shaxslar London ko‘prigidagi piyodalarga urildi, keyin ularga pichoq bilan hujum qildi. Keyinroq Boro bozorida ham pichoq bilan hujum qilinganligi qayd etildi. Politsiyachilar terrorchilarni yo‘q qildi.
Izoh (0)