Politsiya Londondagi teraktlar ijrochilari bir guruhga tegishli ekanligini ma’lum qildi

London politsiyasi Britaniya poytaxtida 4-iyun, yakshanbaga o‘tar kechasi sodir etilgan teraktlar bir guruh a’zolari tomonidan sodir etilgan deb hisoblamoqda. Politsiya dastlabki surishtiruv natijalariga tayanib, yuqoridagi xulosaga kelgan, deb yozadi “Vesti.ru”.

Ma’lum qilinishicha, London ko‘prigida hujum uyushtirgan terrorchilar Boro bozoriga yo‘l olgan va u yerda yo‘lovchilarga pichoq bilan hujum qilgan.

Politsiya ma’lumotlariga ko‘ra, teraktlar oqibatida olti kishi halok bo‘lgan, 30 dan ortiq yarador shifoxonaga joylashtirilgan. Britaniyaning Sky telekanaliga ko‘ra, rasmiylar London ko‘prigi va Boro bozorida teraktlar uyushtirgan terrorchilarning umumiy soni aniqlanganligiga shubha bilan qaramoqda.

Politsiya bir nafar terrorchi ozodlikda ekanligi, uch nafari zararsizlantirilganligini ma’lum qildi.

4-iyunga o‘tar kechasi avtofurgondagi noma’lum shaxslar London ko‘prigidagi piyodalarga urildi, keyin ularga pichoq bilan hujum qildi. Keyinroq Boro bozorida ham pichoq bilan hujum qilinganligi qayd etildi.