Britaniya politsiyasi Londondagi teraktlarda 6 kishi halok bo‘lganini ma’lum qildi

Londonda 3-iyun, shanba kuni yuz bergan teraktlarda olti kishi halok bo‘ldi, deb yozadi “TASS” Skotlend-Yard shefi o‘rinbosari Mark Rouliga tayanib.

“Ayni paytgacha, bizning ma’lumotlarimizga ko‘ra, olti kishi halok bo‘lgan, bundan tashqari, politsiya hujum qilgan uch nafar shaxsni otib tashladi, — dedi u. — 20 ga yaqin kishi yaralanadi, ularning soni ortmoqda”.

Uning aytishicha, hujumda uch terrorchi ishtirok etgan.

Avtomobil London-bridj ko‘prigi hududida piyodalar ustiga bostirib borgani haqidagi ma’lumotlar 3-iyun, shanba kuni 22:08 (Toshkent vaqti bilan 4-iyun, yakshanba kuni 02:08) da kelib tusha  boshlagan. So‘ng avtomobil London-bridjdan Boro-market bozoriga qarab yo‘lini davom ettirgan. Gumonlanuvchilar avtomobildan tushib, odamlarni pichoqlashga uringan.

London Tez yordam xizmati bayonotiga ko‘ra, teraktlar natijasida jabrlanganlar soni 30 kishiga yetdi.