Sud tomonidan biznesmen Alisher Usmonovning muxolifatchi Aleksey Navalniyga nisbatan da’vosi ko‘rib chiqilayotgan vaqtda biznesmenning advokatlari Podmoskovyedagi hovli-joy Ijtimoiy loyihalarni rivojlantirish fondiga berilgani haqidagi faktni rad etmasliklarini ma’lum qildi, deb yozadi “Gazeta.ru”.
“Biz Podmoskovyedagi hovli-joy hadya etilgani faktini rad qilmaymiz, ammo birinchidan, bu pora emas, ikkinchidan, ushbu fondning bosh vazir Dmitriy Medvedevga hech qanday aloqasi yo‘q”, — dedi Usmonovning advokati Genrix Padva.
Padva, shuningdek, hovli-joy fondga beminnat xayriya qilinganini ta’kidladi.
Alisher Usmonov Navalniyga qarshi or-nomus va obro‘ himoyasi to‘g‘risida da’vo bergan. Da’voga Navalniy boshli “Korrupsiyaga qarshi kurash fondi” tomonidan tayyorlangan “U sizga Dimon emas” nomli surishtiruvi sabab bo‘lgan; unda Alisher Usmonov Rossiya bosh vaziri Dmitriy Medvedevning yaqinlariga mulk sovg‘a qilgani ta’kidlanadi, Navalniy bu sovg‘alarni “pora” deb atagan.
Izoh (0)