NATO Gruziya portlarida o‘z qo‘shinlarini joylashtirmaydi. Bu haqda alyans bosh kotibi o‘rinbosari Rouz Gettemyuller ma’lum qildi, deya xabar beradi “Korrespondent.net”.
Gettemyuller alyans Gruziya bilan aloqalarni qadrlasa-da, hozircha mamlakat Qora dengiz mintaqasidagi vaziyat yuzasidan ma’lumotlar taqdim etayotgani bilan cheklanishini bildirdi.
“Bu bosqichda Gruziya portlarida NATO kuchlarini joylashtirishni rejalashtirmayapmiz. E’tiborimiz Qora dengiz havzasida qo‘shinlarimizni kuchaytirishga qaratiladi. Bu, masalan, Ruminiya ushbu mamlakat va Bolgariya, Turkiya hamda alyansga a’zo boshqa davlatlar harbiy xizmatchilari kiradigan ko‘p millatli brigadani boshqarishini anglatadi”, — deya ta’kidladi NATO bosh kotibi o‘rinbosari.
Izoh (0)