Shri-Lankada kuzatilayotgan toshqinlar oqibatida halok bo‘lganlar soni 193 kishiga yetdi, yana 94 kishi bedarak yo‘qolgan hisoblanmoqda. Bu haqda AFP’ga tayanib, “RIA Novosti” xabar berdi.
Oldinroq 177 kishi qurbon bo‘lgani va 109 kishi bedarak yo‘qolgani xabar berilgani.
Toshqinlar 26-may, juma kuni boshlangan kuchli yomg‘irlardan so‘ng vujudga keldi. Ko‘chki va toshqinlar oqibatida 600 mingga yaqin kishi o‘z uyini tark etishga majbur bo‘ldi, 1,3 mingdan ortiq uy vayron bo‘ldi, yana 7 mingta uyga zarar yetdi. Tabiiy ofatdan jabrlangan mahalliy aholi o‘z uylariga qaytishni boshladi.
Shri-Lanka, ofat oqibatlarini bartaraf etishda yordam so‘rab, BMT va Janubiy Osiyo mamlakatlariga murojaat qildi. Xitoy Shri-Lankaga umumiy summasi 2 million dollar atrofidagi gumanitar yordam jo‘natishga va’da berdi.
Izoh (0)