Bangladeshga 30-may, seshanba kuni “Mora” dovuli yopirildi, tabiiy ofat natijasida kamida besh kishi halok bo‘ldi. Bu haqda “RIA Novosti” xabar bermoqda.
Dovulning asosiy vayronkor zarbasini mamlakat janubi-sharqidagi Chittagong viloyati qabul qilgan. Dovul vaqtida shamolning tezligi soatiga 130 kilometrga yetgan.
Hodisa oqibatida Chittagong viloyatining Koks-Bazar okrugida uch kishi, Rangamatida esa ikki qurbon bo‘lgan. Ularning to‘rt nafari daraxt va uylarning qulashidan, biri esa yurak xurujidan halok bo‘lgan.
Tabiiy ofat hududida 2,5 million kishi istiqomat qiladi. Mamlakat hukumati dovul yopirilishi arafasida 300 ming kishini xavfsiz hududlarga ko‘chirgan, qariyb 500 mingta vaqtinchalik boshpana tayyorlab qo‘ygan edi.
Izoh (0)