Qirg‘iziston bosh prokuraturasi mamlakatning sobiq bosh vaziri Igor Chudinov, sobiq moliya vaziri Oqilbek Japarov va boshqa shaxslarga nisbatan jinoiy ish qo‘zg‘adi. Bu haqda prokuratura matbuot xizmati ma’lum qildi, deya xabar beradi “Interfaks”.
Jinoiy ish Milliy xavfsizlik davlat qo‘mitasining korrupsiya alomatlari haqidagi materiallar asosida ochilgan bo‘lib, “Mashina-sinov stansiyasi” OAJ ga 2009—2015-yillarda 200 million som (2,9 million dollar) budjet mablag‘i noqonuniy ajratilishi va maqsadga zid ishlatilishi bilan bog‘liq.
Mazkur ish bo‘yicha tekshiruv Milliy xavfsizlik davlat qo‘mitasi tergov boshqarmasiga topshirildi. Hozirda Chudinov va Japarov “Bir bo‘l” partiyasidan Qirg‘iziston parlamenti deputatlari hisoblanadi.
Izoh (0)