Rossiyaning Tojikistonda joylashtirilgan 201-harbiy bazasi bo‘linmalari “Dushanbe — Aksilterror” qo‘shma mashg‘ulotlari doirasida xavfni bildiruvchi signal bo‘yicha ko‘tarildi. Bu haqda Markaziy harbiy okrug qo‘shinlari qo‘mondoni yordamchisi polkovnik Yaroslav Roshupkin ma’lum qildi, deya xabar beradi “TASS”.
“Harbiy xizmatchilarning harakatlarini Markaziy harbiy okrug shtabi ishchi guruhi nazorat qilib boradi. Guruh navbatchilik almashinuvi xizmati, jangovar tayyorgarlikning eng yuqori bosqichida komandirlar va shaxsiy tarkib o‘zini qanday tutishi, Tojikiston kuch tizimlari bilan hamkorlikni tashkil etilishini tekshiradi”, — deya ta’kidladi Roupkin.
Qo‘mondon yordamchisiga ko‘ra, askar va zobitlarning qurol va harbiy texnikani qisqa muddatli saqlash joyidan olish hamda aksilterror mashqlari o‘tkaziladigan hududga otlanish malakalariga baho beriladi.
Izoh (0)