Ukraina hukumati Rossiya bilan temir yo‘l qatnovini to‘xtatish masalasini ko‘rib chiqmayapti. Bu haqda Ukraina infrastruktura vaziri Vladimir Omelyan ma’lum qildi, deya xabar beradi “Obozrevatel”.
“Hozirda hukumat tomonidan Ukraina va Rossiya o‘rtasida temir yo‘l yoki avtobus qatnovini to‘xtatish masalasi ko‘rib chiqilmayapti. Aslida 2015-yilda aviaqatnovlar to‘xtatilgani kabi Rossiya Federatsiyasi bilan har qanday qatnovga allaqachon chek qo‘yish kerak edi”, — deya ta’kidladi vazir.
Oldinroq “Kommersant” gazetasi Kiyevdagi manbalariga tayanib, Ukraina 1-iyuldan boshlab Rossiya bilan temir yo‘l yo‘lovchi qatnovini to‘xtatishi mumkinligini ma’lum qilgandi.
Izoh (0)