Donetsk viloyat apellyatsiya sudi Ukraina sobiq prezidenti Viktor Yanukovich advokatlarining 1,5 milliard dollarni musodara etish yuzasidan chiqarilgan hukm bo‘yicha shikoyatini rad etdi. Bu haqda mamlakat bosh prokuraturasi matbuot xizmati ma’lum qildi, deya xabar beradi “Korrespondent.net”.
“Donetsk viloyat sudi Yanukovich jinoiy guruhi vakillari bo‘lgan advokatlar apellyatsiya shikoyati bo‘yicha 1,5 milliard AQSh dollarini musodara etish haqida ish ochishni rad etdi”, — deyiladi matbuot xizmati xabarida.
Shu bilan birga, Ukraina bosh prokuraturasi sudning mazkur qarorini hali olmaganligi bildirilmoqda.
Eslatib o‘tamiz, oldinroq Ukraina sudi sobiq prezident Viktor Yanukovich va uning atrofidagilarga tegishli hamda avvalroq xatlangan 1,5 milliard dollarni musodara qilishga ruxsat bergandi.
Izoh (0)