Forbes’ning “Eng tez o‘sayotgan texnologik kompaniyalar — 2017” ro‘yxatida birinchilikni Grubhub — 500 dan ortiq shaharda 50 000 ming restoranga eltib berish xizmatini bajaruvchi platformaning yaratuvchisi egalladi. Uning o‘rtacha savdo o‘sishi 52 foizga teng, deb xabar berdi Forbes.
Shuningdek, reytingning yuqori qismidan Arista Networks (3-o‘rin +46 foiz) va Ellie Mae (5-o‘rin) kompaniyalari joy oldi. Arista’ning tarmoq qurilmalaridan Cisco kompaniyasi 100 gigabaytli komutatorlar tarmoq bozoridagi kurashida foydalanadi. Ellie Mae aksiyalari esa 2011-yilda IPO chiqqanidan beri 1400 foizga ko‘tarilgan.
Yirik farmasevtik kompaniyalar uchun dasturiy ta’minot ishlab chiqish bilan shug‘ullanadigan Veeva Systems kompaniyasi reytingda sakkizinchi pog‘onani egallab, 500 million dollar daromad ko‘rgan eng tez o‘suvchi korporativ texnologik kompaniyalardan biriga aylandi. O‘rtacha savdo hajmi 37 foizga teng.
Ro‘yxatdan Mark Sukerberg asos solgan ijtimoiy tarmoq — Facebook (2-o‘rin) ham doimgidek yuqori pog‘onalardan birida. So‘nggi uch yil ichida uning o‘rtacha savdo hajmi 51 foizga ortgan. Jeff Bezosning Amazon’i uch yil ichida 22 foizli ko‘rtsatgichga erishib, 22-o‘rinni egalladi.
Reytingning oxiridan Google qidiruv tizimiga egalik qiluvchi Alphabet kompaniyasi joy oldi. Uning savdo hajmi uch yil ichida o‘rtacha 14 foizga oshgan.
Izoh (0)