CBS News telekanali Manchesterdagi stadionda terakt uyushtirgan xudkushning ismini e’lon qildi. Bu haqda “RIA Novosti” xabar bermoqda.
“CBS News tasdiqlashi mumkin: Manchesterdagi hujumni uyushtirganlikda gumondor 23 yoshli Salmon Obidiydir”, — degan xabar qoldirildi telekanalning Twitter’dagi sahifasida.
Aytilishicha, Obidiy ilgari Britaniya politsiyasi e’tiboriga tushgan.
U stadionga bombani ryukzakda olib kelgani aytilmoqda.
Bir muddat ilgari Buyuk Britaniya bosh vaziri Tereza Mey hukumat teraktni kim sodir etganini bilishini, ammo hozircha xudkushning shaxsi yuz foizga tasdiqlanmaganini bildirib o‘tgan edi.
Eslatib o‘tamiz, Manchester Arena stadionida 22-may, dushanba kuni Ariana Grandening konserti vaqtida portlash sodir bo‘ldi. So‘nggi ma’lumotlarga ko‘ra, stadiondagi portlash oqibatida 22 kishi halok bo‘lgan, 59 kishi jarohatlangan. Hodisa uchun javobgarlikni IShID terrorchilik guruhi o‘z zimmasiga oldi.
Izoh (0)