Manchesterdagi 22 kishi halok bo‘lgan hujumni arenaga o‘zi bilan portlovchi qurilmani olib o‘tgan terrorchi-xudkush amalga oshirdi. Bu haqda politsiya manbalariga tayanib, Reuters ma’lum qildi deya xabar beradi “TASS”.
“Biz yuz bergan hodisani terakt sifatida ko‘rib chiqmoqdamiz. Garchi uni yakka shaxs amalga oshirgan deb hisoblasak ham, birinchi galdagi vazifa uning sheriklari bo‘lgan yoki yo‘qligini aniqlashdan iborat”, — dedi Katta Manchester politsiyasi bosh konstebli Ien Xopkins.
U hujum uyushtirgan shaxs voqea joyida halok bo‘lganini tasdiqladi. Politsiyaga ko‘ra, “erkak o‘zi bilan portlovchi qurilma olib o‘tgan va uni harakatga keltirgan”.
Eslatib o‘tamiz, oldinroq mazkur terakt uchun javobgarlikni IShID o‘z zimmasiga olgani ma’lum qilingandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)