Interpol Panamani 2009—2014-yillarda boshqargan sobiq prezident Rikardo Martinellini xalqaro qidiruvga berdi. Bu haqda La Prensa nashri ma’lum qildi.
Martinelli korrupsiya va mamlakat fuqarolari ortidan kuzatishda ayblanmoqda.
Shuningdek, u Panama vizalari bilan noqonuniy savdoda ham gumon qilinmoqda. Bu Martinelli va uning sheriklariga 100 million dollargacha daromad keltirgan.
2015-yil dekabrida Panama oliy sudi Martinellini hibsga olishga order berdi. Agar sobiq davlat rahbari aybdor deb topilsa, 21 yilgacha bo‘lgan muddatga qamalishi mumkin.
Panama TIV AQShga Martinellini topshirish haqida iltimos bilan ham murojaat etdi. U Mayamida yashashi taxmin qilinadi.
Izoh (0)