Angliyaning Manchester shahridagi savdo markazida portlashga o‘xshash ovoz eshitilganidan so‘ng odamlar u yerdan evakuatsiya qilindi. Bu haqda Reuters agentligiga tayanib, “RIA Novosti” xabar bermoqda.
Agentlik ma’lumotiga ko‘ra, gap shahar markazidagi Arndale savdo markazi haqida ketmoqda. Hodisa guvohlari “qarsillash” yoki “o‘q” ovoziga o‘xshash tovushni eshitganini aytgan.
Sky News telekanali politsiya savdo markazida bir erkakni qo‘lga olganini xabar berdi. Kuch tizimi xodimlari savdo markazi atrofini o‘rab oldi va tashrifchilardan hududni tezda tark etishni so‘ramoqda. Voqeaning boshqa tafsilotlari ma’lum emas.
Manchester politsiyasi Manchester Arena stadionida 22-may, dushanba kuni sodir bo‘lgan portlashdan so‘ng kuchaytirilgan rejimda ishlamoqda. So‘nggi ma’lumotlarga ko‘ra, stadiondagi portlash oqibatida 22 kishi halok bo‘lgan, 59 kishi jarohatlangan. Bundan tashqari, bir necha bola bedarak yo‘qolgan.
Izoh (0)