Tanzaniya prezidenti Jon Magufuli diplom va professional malaka haqidagi guvohnomalari soxta bo‘lib chiqqan 10 mingga yaqin mansabdorni ishdan bo‘shatdi. Bu haqda “RIA Novosti” xabar bermoqda.
Davlat rahbari 2015-yilda boshlangan hukumat tekshiruvining yakuniy hisobotini olganidan so‘ng 9932 nafar davlat xizmatchisi zudlik bilan iste’foga chiqarilishini talab qilgan.
Magufuli ular qisqa muddatda malakali mutaxassislarga almashtirilishini bildirdi, shuningdek, OAVga davlat xizmatidan chetlatilganlar ro‘yxatini tarqatish haqidagi iltimos bilan murojaat qildi.
Izoh (0)