AQSh prezidenti Donald Tramp immigratsiya siyosatini qat’iylashtirish to‘g‘risidagi farmonlarni imzolaganidan keyin Texasda yoqib yuborilgan masjidni qayta tiklashga 19 mingdan ortiq kishi 900 ming dollardan ziyod mablag‘ni xayriya qildi. Bu haqda Viktoriya shahrida joylashgan, rekonstruksiya uchun pul yig‘ayotgan Islom markazi ma’lum qildi, deb yozadi “TASS”.
Viktoriya shahri hukumati masjiddagi yong‘in bilan bog‘liq vaziyatni shubhali va kimdir o‘t qo‘yib yuborganligiga ishora qiluvchi deb hisoblaydi. Yong‘in 27-yanvardan 28-yanvarga o‘tar kechasi soat ikkida sodir etilgan. Alanga qariyb butun binoni vayron qilgan. Hukumat hodisa yuz bergan vaziyatni tekshirmoqda.
Yong‘in Tramp immigratsiya siyosatini qat’iylashtiruvchi qator farmonlarni imzolaganidan keyin sanoqli soatlar o‘tgach, sodir bo‘ldi.
Eslatib o‘tamiz, davlat rahbari AQShga muhojirlarni kiritish dasturini 120 kunga to‘xtatish, mamlakatga muhojirlarni qabul qilish kvotasini qisqartirish, shuningdek, Iroq, Eron, Yaman, Liviya, Suriya, Somali va Sudan fuqarolarining AQShga kirishini 90 kunga cheklashni buyurdi.
Izoh (0)