Yamanlik isyonchi xusiylar BMTning Saudiya Arabistonidagi vakolatxonasini raketadan o‘qqa tutdi. Bu haqda Al Arabiya telekanaliga tayanib, Reuters ma’lum qildi.
Hodisa Yaman bilan chegaradagi Asir viloyatida ro‘y berdi. Yalpi o‘t ochish reaktiv tizimi raketasi BMT missiyasi binosiga kiraverishga borib tushdi. Qurbonlar va jarohatlanganlar haqida ma’lumot berilmadi. Xalqaro tashkilot va xusiylar yuz bergan voqeaga izoh bermadi.
Raketa aynan qanday tizimdan yo‘llangani ma’lum emas. Isyonchilar qo‘lida sobiq Ittifoqdan qolgan ko‘plab harbiy texnika, jumladan, “Katyusha” nomi bilan mashhur bir necha BM-13 raketalari mavjudligi ta’kidlanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)