AQSh prezidentligiga Demokratlar partiyasidan nomzod bo‘lgan Hillari Klinton 2016-yilgi saylovlarda ovoz berishda qatnashish huquqi bo‘lmagan 800 mingdan ortiq kishining qo‘llab-quvvatlovini qo‘lga kiritgan. Bu haqda, “Kommersant”ning yozishicha, The Washington Times o‘z manbalariga tayanib e’lon qilgan.
“Saylovlarda AQSh hududida istiqomat qilayotgan va fuqaroligi bo‘lmagan shaxslarning 6,4 foizi ishtirok etdi. Noqonuniy ovozlarning 81 foizdan ortig‘i Hillari Klinton uchun berilgan”, — deya ta’kidladi bu borada tadqiqot olib borgan Virjiniya universiteti siyosatshunosi Jessi Richman.
Mazkur ko‘rsatkich taxminan 834 ming byulletenga to‘g‘ri keladi. Bunday qo‘llab-quvvatlash demokratlar nomzodining mavqeyini mustahkamlab, Klintonga shtatlardan birida g‘alaba qozonishga yordam bergan bo‘lishi mumkin.
Eslatib o‘tamiz, ovoz berish natijalariga ko‘ra, Hillari Klinton saylovda tanlovchilar ha’yatining ovozlari sabab g‘alaba qozongan respublikachilar nomzodi — Donald Trampdan salkam 3 million byulletenga o‘zib ketdi. O‘z navbatida, Tramp raqibini ovoz berish jarayonida g‘irromliklarga yo‘l qo‘yishda aybladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)